ထရမ့်ရဲ့အထူးသံ Witkoff ဂါဇာငြိမ်းချမ်းရေးကြိုးပမ်း

 

အီဂျစ်နဲ့ ကာတာက စေ့စပ်ပေးနေသူတွေဟာ မကြာမီ စစ်ပွဲအဆုံးသတ်နိုင်ဖို့အတွက် အမေရိကန်အနေနဲ့ တရားမျှတတဲ့ သဘောတူညီချက်ရဖို့ ဆက်လက် လုပ်ဆောင်မယ့် အာမခံချက်ကို Witkoff ဆီကနေ ရရှိထားတယ်လို့ အီဂျစ်လုံခြုံရေး သတင်းရင်းမြစ်တွေက ရိုက်တာ သတင်းဌာနကို ပြောပါတယ်။

ဂါဇာကမ်းမြောင်မှာ အပစ်ရပ်ရေး သဘောတူညီချက် တရပ်ရဖို့ ကြိုးစားနေချိန်မှာပဲ အမေရိကန် ရွေးကောက်ခံသမ္မတ ဒေါ်နယ်ထရမ့်ရဲ့ အရှေ့အလယ်ပိုင်းဆိုင်ရာ အထူးသံတမန် Steve Witkoff ဟာ အစ္စရေးဝန်ကြီးချုပ် ဘင်ဂျမင် နေတန်ယာဟု (Benjamin Netanyahu) နဲ့ စနေနေ့မှာ တွေ့ဆုံခဲ့ကြောင်း နေတန်ယာဟုရုံးက သတင်းထုတ်ပြန်ပါတယ်။

ထရမ့်ရဲ့ အထူးသံတမန် Witkoff ဟာ သောကြာနေ့ကလည်း ဒိုဟာကို သွားပြီး ကာတာဝန်ကြီးချုပ် ရှိတ်မိုဟာမက် အဗ္ဗဒူရာမန် အယ်လ် သန်နီ (Sheikh Mohammed bin Abdulrahman Al Thani) နဲ့ တွေ့ဆုံခဲ့ကြောင်း ကာတာနိုင်ငံခြားရေးဝန်ကြီးဌာနက ပြောပါတယ်။

အီဂျစ်နဲ့ ကာတာက စေ့စပ်ပေးနေသူတွေဟာ မကြာမီ စစ်ပွဲအဆုံးသတ်နိုင်ဖို့အတွက် အမေရိကန်အနေနဲ့ တရားမျှတတဲ့ သဘောတူညီချက်ရဖို့ ဆက်လက် လုပ်ဆောင်မယ့် အာမခံချက်ကို Witkoff ဆီကနေ ရရှိထားတယ်လို့ အီဂျစ်လုံခြုံရေး သတင်းရင်းမြစ်တွေက ရိုက်တာ သတင်းဌာနကို ပြောပါတယ်။

ဂါဇာစစ်ပွဲ ပါလက်စတိုင်း 46000 ကျော် သေဆုံး

 

အစ္စရေး- ဟားမတ်စ် တိုက်ပွဲကြောင့် ကြာသပတေးနေ့က လူ ၇၀ ထပ်ပြီး သေဆုံးခဲ့ရတဲ့အတွက် အခုဆို ၂၀၂၃ အောက်တိုဘာ စစ်ပွဲစတင်ချိန်ကစပြီး ပါလက်စတိုင်းသေဆုံးရသူဟာ46000ကျော်သွားပြီလို့ ဂါဇာကျန်းမာရေး ဝန်ကြီးဌာနက ပြောပါတယ်။

ဒဏ်ရာရသူကလည်း ၁ သိန်း ကျော်နေပြီလို့ ဝန်ကြီးဌာနက ပြောပေမယ့် အရပ်သား ဘယ်နှစ်ယောက် ပါတယ်ဆိုတာ ခွဲမပြောခဲ့ပါဘူး။ ဒါပေမယ့် သေဆုံး ဒဏ်ရာရသူ ထက်ဝက်ကျော်က အမျိုးသမီးနဲ့ ကလေးငယ်တွေ ဖြစ်တယ်လို့ ပြောပါတယ်။

၂၀၂၄ အောက်တိုဘာ ၇ ရက်မှာ အစ္စရေးကို ဟားမတ်စ်တွေ ဝင်ရောက်တိုက်ခိုက်တဲ့ အတွက် လူပေါင်း ၁၂၀၀ သေဆုံးခဲ့ပြီး ဓါးစာခံ ၂၅၀ လောက်ကိုပါ ဖမ်းသွားတဲ့နောက် ဂါဇာစစ်ပွဲစတင်ခဲ့တာ ဖြစ်ပါတယ်။ အဖမ်းခံရတဲ့ ဓါးစားခံ ၁၀၀ လောက်ကို ခုထိ ပြန်မလွတ်သေးပါဘူး။ ဒီအထဲက သုံးပုံ တပုံလောက် သေဆုံးသွားပြီလို့ ခန့်မှန်းရပါတယ်။

ညှိနှိုင်းမှုတွေကနေ ဓါးစာခံပြန်လွတ်မြောက်ရေး သိပ်နီးလာနေပြီလို့ အမေရိကန် နိုင်ငံခြားရေးဝန်ကြီး Antony Blinken က ပြောပါတယ်။ ဒါ့အပြင် သမ္မတဂျိုးဘိုင်ဒန် သမ္မတသက်တမ်းကုန်မယ့် ဇန်နဝါရီ ၂၀ မတိုင်ခင် သဘောတူညီချက် ရမယ်လို့ မျှော်လင့်ကြောင်းလည်း ပြောပါတယ်။ တကယ်လို့ မရခဲ့ရင် ဓါးစာခံပြန်လွတ်ရေး သဘောတူညီချက်ရဖို့ သမ္မတဘိုင်ဒန်လုပ်ဆောင်နေတာတွေကို နောက်တက်လာမယ့် အစိုးရသစ်အဖွဲ့ကို လွှဲပေးရမှာ ဖြစ်ကြောင်းလည်း ပြောပါတယ်။

အီရန်ကိစ္စ အမေရိကန်သမ္မတနှင့် အစ္စရေးဝန်ကြီးချုပ်တို့ ဖုန်းဆက်ဆွေးနွေးခဲ့ပြီးနောက် အစ္စရေးကာကွယ်ရေးဝန်ကြီးက အီရန်ကို ပြင်းပြင်းထန်ထန် တုံ့ပြန်မည်ဟု ပြောကြား

 

အမေရိကန်သမ္မတဂျိုးဘိုင်ဒင်နှင့် အစ္စရေးဝန်ကြီးချုပ် ဘင်ဂျမင်နေတန်ယာဟုတို့သည် အီရန်နှင့်တင်းမာမှုများကြားထဲ အောက်တိုဘာ ၉ ရက်တွင် ဖုန်းဆက်ဆွေးနွေးခဲ့ပြီးနောက် အစ္စရေးကာကွယ်ရေးဝန်ကြီး ယိုအက်ဂါးလန့်က အီရန်ကို အစ္စရေး၏တိုက်ခိုက်မှုသည် ပြင်းထန်မည်၊ တိကျမည်၊ အံ့အားသင့်စရာကောင်းမည်ဟု ပြောကြားခဲ့သည်။

 မိနစ် ၃၀ ကြာ ဖုန်းစကားပြောမှုသည် သြဂုတ်လနောက်ပိုင်း ဘိုင်ဒင်နှင့်နေတန်ယာဟုတို့ ပထမဆုံး ဖုန်းဆက်စကားပြောမှုဖြစ်ပြီး အီရန်နှင့်အစ္စရေး ပဋိပက္ခ၊ အီရန် ကျောထောက်နောက်ခံပေးထားသော ဟစ် ဇဘိုလာနှင့်အစ္စရေးတို့ ပြင်းထန်သောပဋိပက္ခမြင့်တက်မှုတို့ဖြစ်ပေါ်နေချိန်တွင် ၎င်းတို့နှစ်ဦး ဖုန်းဆက်ဆွေးနွေးခြင်းဖြစ်သည်။

 ဖုန်းဆက်စကားပြောမှုသည် ပွင့်ပွင့်လင်းလင်းရှိပြီး အကျိုးဖြစ်ထွန်းသည်ဟု အိမ်ဖြူတော်ပြန်ကြားရေးအရာရှိ ကာရင်းဂျင်းပီယာက သတင်းထောက်များကို ပြောကြားခဲ့သည်။ သို့ရာတွင် ခေါင်းဆောင်နှစ်ဦးသည် သဘောမတူသည့်ကိစ္စများလည်းရှိခဲ့ပြီး ထိုကိစ္စများကို ပွင့်ပွင့်လင်းလင်းဆွေးနွေးခဲ့သည်ဟု ၎င်းက ပြောကြားခဲ့သည်။

 လက်ဘနွန်ကို အစ္စရေး၏စစ်ရေးတုံ့ပြန်မှုအား လက်စားချေသည့်အနေဖြင့် အီရန်က အောက်တိုဘာ ၁ ရက်တွင် အစ္စရေးကို ဒုံးကျည်အတွဲလိုက်ပစ်ကာ တိုက်ခိုက်ခဲ့ခြင်းအား အစ္စရေးလက်တုံ့ပြန်မည့်အနေအထား ကြောင့် အရှေ့အလယ်ပိုင်းသည် ခြေမကိုင်မိလက်မကိုင်မိ အနေအထားဖြစ်နေသည်။ အီ ရန်၏တိုက်ခိုက်မှုကြောင့် အစ္စရေးတွင် တစ်ဦး သေဆုံးခဲ့သည်။အောက်တိုဘာ ၁ ရက် အီရန်တိုက်ခိုက်မှုသည် အောင်မြင်မှုမရဟု အစ္စရေးကာကွယ်ရေးဝန်ကြီးက ပြောကြားခဲ့သည်။

ကျွန်တော်တို့ကို ဘယ်သူက တိုက်ခိုက်သည်ဖြစ်စေ တိုက်ခိုက်သူဟာ နာကျင်ရပါလိမ့်မယ်။ တန်ရာတန်ဖိုး ပေးဆပ်ရပါလိမ့်မယ်။ ကျွန်တော်တို့ရဲ့တိုက်ခိုက်မှုဟာ ပြင်းထန်ပါလိမ့်မယ်။ တိကျပါလိမ့်မယ်။ ကုန်ကုန် ပြောရရင် အံ့အားသင့်စရာကောင်းပါလိမ့်မယ်။ ဘာဖြစ်ပျက်သွားခဲ့တာ၊ ဘယ်လိုဖြစ် ပျက်သွားတာလဲဆိုတာကို သူတို့က နားမလည်ပါဘူး။ သူတို့ဟာ ရလဒ်တွေကို မြင်ရပါလိမ့်မယ်”ဟု ဂျိုးဘိုင်ဒင်နှင့်နေတန်ယာဟုတို့ ဖုန်းစကားပြောခဲ့ပြီးနောက် ထုတ်ပြန်သော ဗီဒီယိုတွင် ဂါးလန့်က ပြောကြားထားသည်။

ရန်သူတော် အီရန်သည် ဒုံးကျည်တိုက်ခိုက်မှုအတွက် ပေးဆပ်ရလိမ့်မည်ဟု နေတန်ယာဟုက ပြောကြားထားသည်။ အစ္စရေး၏လက်စားချေမှုမှန်သမျှသည် ကြီးမားသော ပျက်စီးမှုတို့နှင့်ကြုံတွေ့သွားရ လိမ့်မည်ဟု အီရန်ကလည်း သတိပေးထားသည်။   အီရန်မှာရှိတဲ့ အခြေခံအဆောက်အအုံတွေကို တိုက်ခိုက်မှုမှန်သမျှဟာ အင်အားပိုလို့တောင်ကြီးမားတဲ့ တုံ့ပြန်မှုကိုဖြစ်ပေါ်စေပါလိမ့်မယ်”ဟု နိုင်ငံခြားရေးဝန်ကြီး အဘက်စ်အာရပ်ဂျ်ချီ၏ပြောစကားကို အီရန် အစိုးရပိုင်မီဒီယာက ကိုးကားဖော်ပြခဲ့သည်။

အီရန်က အစ္စရေးကို ဒုံးကျည်အတွဲ လိုက်ပစ်ခတ်ကာ တိုက်ခိုက်ခဲ့ပြီးနောက် အစ္စရေးဘက်က လက် တုံ့ပြန်သည့်အခါ အီရန်၏ရေနံချက်စက်ရုံများသို့မဟုတ် နျူကလီးယားနေရာများကို တိုက်ခိုက်လာနိုင်သည့်အလားအလာကို  အောက်တိုဘာ ၈ ရက်တွင် အီရန်က သတိပေးခဲ့သည်။   

အစ္စရေး လေကြောင်းတိုက်ခိုက်မှု WCK ပရဟိတ ဝန်ထမ်းတချို့ သေဆုံး

 ဂါဇာကမ်းမြောင်ဒေသမှာ စနေနေ့က ကားတစီးကို အစ္စရေးက လေကြောင်းကနေ တိုက်ခိုက်ခဲ့တာမှာ ပရဟိတအဖွဲ့ World Central Kitchen (WCK) က ဝန်ထမ်းတွေ အပါအဝင် လူ ၅ ဦး သေဆုံးခဲ့ပါတယ်။ ဂါဇာစစ်ပွဲ ဖြစ်အောင် စခဲ့တဲ့ ဟာမတ်စ်တွေရဲ့ တိုက်ခိုက်မှုတွေမှာ ပါဝင်ပတ်သက်နေတဲ့ WCK ဝန်ထမ်းတဦးကို ပစ်မှတ်ထား တိုက်ခိုက်ခဲ့တာလို့ အစ္စရေး စစ်တပ်က ပြောဆိုခဲ့ပြီးတဲ့နောက် ဒီတိုက်ခိုက်မှုနဲ့ ပတ်သက်လို့ အသေးစိတ် အချက်အလက်တွေ ချက်ချင်း သိရဖို့ လုပ်နေတယ်လို့ WCK ပရဟိတ အဖွဲ့က ပြောပါတယ်။

ဒီအဖွဲ့ဟာ စစ်ပွဲတွေနဲ့ လူသားဘေးဒုက္ခ အကျပ်အတည်းတွေ ဆိုးဆိုးရွားရွား ကြုံနေရတဲ့ ဂါဇာဒေသအတွက် စားနပ်ရိက္ခာ အကူအညီတွေ ပေးနေတဲ့ ပရဟိတအဖွဲ့ ဖြစ်ပါတယ်။ စနေနေ့ တိုက်ခိုက်မှုအတွင်း သေဆုံးခဲ့ရသူတွေ အတွက် ဝမ်းနည်းကြေကွဲရကြောင်းနဲ့ အစ္စရေးက ပြောသလို တိုက်ခိုက်ခံရတဲ့ ကားထဲမှာ ၂၀၂၃ ခုနှစ် အောက်တိုဘာ ၇ ရက် ဟာမတ်စ် တိုက်ခိုက်မှုနဲ့ ပတ်သက် ဆက်နွယ်နေသူ တယောက်မှ ရှိမနေဘူးလို့လည်း WCK အဖွဲ့က ပြောပါတယ်။ အချက်အလက် ပြည့်ပြည့်စုံစုံရဖို့ ကြိုးစားနေပြီး ဂါဇာမှာ အကူအညီပေးရေး လုပ်ငန်းတွေ လတ်တလော ရပ်ထားလိုက်တယ်လို့လည်း ပြောပါတယ်။

ဒီနှစ် အစောပိုင်း တုန်းကလည်း အလားတူ လုပ်ငန်းတွေ ရပ်ဆိုင်းခဲ့တာမျိုး ရှိခဲ့ပါသေးတယ်။ အဲ့ဒီတုန်းကလည်း အစ္စရေးလေကြောင်း တိုက်ခိုက်မှုကြောင့် နိုင်ငံခြားသား ဝန်ထမ်း အများစု အပါအဝင် WCK ဝန်ထမ်း ၇ ဦး သေဆုံးခဲ့ရတာပါ။ အစ္စရေးစစ်တပ် ကတော့ အောက်တိုဘာ ၇ ရက် တိုက်ခိုက်သူတွေဟာ WCK ဝန်ထမ်းတွေနဲ့အတူ လက်တွဲ လုပ်ခဲ့တာဖြစ်ပြီး ဒါနဲ့ပတ်သက်လို့လည်း WCK တာဝန်ရှိသူတွေရော၊ နိုင်ငံတကာ အသိုင်းအဝိုင်းက အကြီးတန်း တာဝန်ရှိသူတွေကိုပါ ရှင်းလင်းချက်ပေးဖို့ တောင်းဆိုခဲ့တဲ့အကြောင်း ကြေညာချက် ထုတ်ပြန်ထားပါတယ်။

ဟားမတ်စ်ခေါင်းဆောင် ယာယာဆင်ဝါ ဘယ်လို သေဆုံးခဲ့သလဲ?

 

ဟားမတ်စ်ရဲ့ ခေါင်းဆောင် ယာယာ ဆင်ဝါ သေဆုံးခဲ့ပေမဲ့ ဒါက စစ်ပွဲရဲ့ အဆုံးသတ် မဟုတ်သေးဘူး လို့ ပြောဆို သုံးသပ်နေကြပါတယ်။ဓာတ်ပုံ ရင်းမြစ်

ဓာတ်ပုံ ပုံစာ,ဟားမတ်စ် ခေါင်းဆောင် ယာယာ ဆင်ဝါ သေဆုံးခဲ့ပေမဲ့ ဒါက စစ်ပွဲရဲ့ အဆုံးသတ် မဟုတ်သေးဘူး လို့ ပြောဆို သုံးသပ်နေကြပါတယ်။သမိုင်းတစ်လျှောက် အစ္စရေးကို အကြီးမားဆုံး ထိခိုက်နစ်နာမှု ဖြစ်စေခဲ့တဲ့ ဟားမတ်စ်ရဲ့ ခေါင်းဆောင် ယာယာ ဆင်ဝါ သေဆုံးခဲ့ပေမဲ့ ဒါက စစ်ပွဲရဲ့ အဆုံးသတ် မဟုတ်သေးဘူး လို့ အစ္စရေး၀န်ကြီးချုပ် ဘင်ဂျမင် နေတန်ညာဟုက ပြောပါတယ်။

 

ယာယာဆင်ဝါကို အခုလို သတ်ဖြတ်နိုင်ခဲ့တာဟာ ထောက်လှမ်းရေးသတင်းအချက်အလက်တွေရလို့ အသေအချာစီစဉ်ထားတဲ့ အထူးစစ်ဆင်ရေးလုပ်ပြီး သတ်ဖြတ်နိုင်ခဲ့တာမဟုတ်ဘဲ ဂါဇာတောင်ပိုင်းက ရာဖာမှာ အစ္စရေးတပ်တွေနဲ့ မတော်တဆဆုံမိစဉ်အတွင်း အသတ်ခံခဲ့ရတာဖြစ်ပါတယ်။

 

ကင်းလှည့်နေတဲ့ အစ္စရေးတပ်ဖွဲ့တစ်ခုက ပါလက်စတိုင်းလက်နက်ကိုင် သုံးယောက်ကို လှမ်းတွေ့လို့ ပစ်ခတ်စဥ်မှာ လူတစ်ယောက်က အဆောက်အဦတစ်ခုထဲကို ပြေးဝင်သွားခဲ့တာကို တွေ့ခဲ့ရပါတယ်။

 

အစ္စရေးစစ်တပ်က နောက်ဆုံးထုတ်ပြန်ခဲ့တဲ့ ရုပ်သံအရ ဗုံးကျည်တွေ ထိမှန်ပျက်စီးနေတဲ့ အဆောက်အဦပျက်ထဲကို ဒရုန်းနဲ့ဝင်ရောက်ထောက်လှမ်းခဲ့စဉ်မှာ ထိုင်ခုံမှာ ဒဏ်ရာရပြီးထိုင်နေတဲ့ ဆင်ဝါကို တွေ့ခဲ့ရပါတယ်။

 

တုတ်တစ်ချောင်းကို ကိုင်ထားတဲ့ ဆင်ဝါဟာ ဒရုန်းကို တုတ်နဲ့လှမ်းပစ်လိုက်ပါသေးတယ်။အဲဒီနောက်မှာတော့ အစ္စရေးတပ်က အဲဒီအဆောက်အဦကို တင့်ကားကနေ ပစ်ခတ်ခဲ့ပါတယ်။ အဲဒီနောက် အဆောက်အဦထဲ ဝင်ရှာချိန်မှာ အပျက်အစီးပုံထဲမှာ တိုက်ခိုက်ရေးဝတ်စုံ ၀တ်ဆင်ထားတဲ့အသက် ၆၁ နှစ်အရွယ် ဆင်ဝါရဲ့ ရုပ်အလောင်းကို ရခဲ့တာဖြစ်ပါတယ်။

 

ချက်ချင်းတော့ အစ္စရေးတပ်တွေက သေဆုံးသူဟာ ဆင်ဝါမှန်းမသိခဲ့ကြပါဘူး။ ရုပ်ကတော့ တူနေတယ်လို့ သတိပြုမိတာကြောင့် စစ်ဆေးအတည်ပြုဖို့ ဆက်လုပ်ခဲ့ကြပါတယ်။ဆင်ဝါကို အစ္စရေးက တောက်လျှောက်နောက်ယောင်ခံလိုက်နေခဲ့ပေမဲ့ အတိအကျသတင်းမရဘဲ နှစ်ချီကြာနေခဲ့ပါပြီ။

 

သူက မြေအောင်လိုဏ်ခေါင်းတွေမှာ တစ်နေရာကတစ်နေရာကို အမြဲရွှေ့နေခဲ့ပြီး သူ့အနားမှာလည်း သက်တော်စောင့်တွေ အများကြီးရှိနေတတ်ပါတယ်။

 

ပြီးခဲ့တဲ့နှစ် အောက်တိုဘာလက အစ္စရေးကို ဝင်တိုက်ပြီး ဖမ်းဆီးသွားတဲ့ ဓားစာခံတွေကိုလည်း သူ့အနားမှာ လူသားဒိုင်းအဖြစ်ခေါ်ထားလေ့ရှိတယ်လို့ အစ္စရေးထောက်လှမ်းရေးက သိထားတဲ့အတွက် အခုလို လက်နက်ကိုင် သုံးယောက်ထဲ သီးသန့်တွေ့ခဲ့ရချိန်မှာ တစ်ယောက်က ဆင်ဝါလို့ သူတို့ထင်မထားခဲ့ကြတာ ဖြစ်ပါတယ်။

 

အဆောက်အဦပျက်ထဲက ယာယာဆင်ဝါရဲ့ ရုပ်အလောင်းက ချက်ချင်းထုတ်ယူဖို့မလွယ်ခဲ့တဲ့အချိန်မှာ လက်တချောင်းကိုဖြတ်ကာ အစ္စရေးကို ပို့ဆောင်ကာ လက်ဗွေစစ်ဆေးပြုလုပ်အတည်ပြုခဲ့ပါတယ်။

 

ဆင်ဝါ အစ္စရေးမှာ ထောင်ကျခဲ့စဉ်အတွင်း သူ့ရဲ့သွားမှတ်တမ်းနဲ့ DNA မျိုးဗီဇနမူနာတွေကို ရယူခဲ့တာမို့ အဆောက်အအုံပျက်ထဲက ရုပ်အလောင်းဟာ ဆင်ဝါ ဟုတ်မဟုတ်ကို စစ်ဆေးနိုင်ခဲ့တာဖြစ်ပါတယ်။

 

သူဟာ အစ္စရေးနဲ့ ပူးပေါင်းခဲ့တယ်ဆိုတဲ့ ပါလက်စတိုင်းသတင်းပေးလေးဦးကို သတ်ဖြတ်မှုနဲ့ ထောင် ၂၂ နှစ် ကျခံခဲ့ရပေမဲ့ ဟားမတ်စ်တွေဖမ်းထားတဲ့ အစ္စရေးစစ်သည်တစ်ဦးဖြစ်တဲ့ ဂီလတ် ရှာလစ်နဲ့ ပါလက်စတိုင်းအကျဉ်းသား ၁၀၀၀ ကျော် လဲလှယ်ရေးအစီအစဉ်မှာ ပြန်လည်လွတ်မြောက်ခဲ့ပါတယ်။

 

မနှစ်က အောက်တိုဘာလ ၇ ရက်မှာ အစ္စရေးကို ဟားမတ်စ်အဖွဲ့က တိုက်ခိုက်မှုမှာ ယာယာဆင်ဝါက အဓိက ဦးဆောင်စီစဥ်သူလို့ အစ္စရေးကဆိုပြီး သူ့ကို မတွေ့တွေ့အောာင်ရှာဖွေရှင်းလင်းမယ်လို့ ကြုံးဝါးထားခဲ့ပါတယ်။

 

ဒါ့အပြင် သူ့ကို ဖမ်းနိုင်အောင် သတင်းပေးနိုင်တဲ့သူကိုလည်း ဒေါ်လာ ၄ သိန်း ပေးမယ်လို့ အစ္စရေး စစ်တပ်က ဆုကြေးထုတ်ခဲ့ပါတယ်။

 

အခု ယာယာဆင်ဝါ သေဆုံးခဲ့ပေမဲ့ စစ်ပွဲက အစ္စရေးတွေ သတ်ဖြတ်ခဲ့တဲ့ ယာယာ ဆင်ဝါ၊ အစ္စမေးလ်ဟာနီယာတို့လို ခေါင်းဆောင်တစ်ဦးတစ်ယောက်အပေါ် မှီခိုနေတာမဟုတ်ဘူး လို့ ပါလက်စတိုင်းလူမျိုး ဒေါက်တာ ရာမဒန် ဖာရစ်က ပြောပါတယ်။

 

‘’ဒါဟာ ပါလက်စတိုင်းသားတွေကို အမြစ်ပြတ်သုတ်သင်တဲ့ စစ်ပွဲပါ၊ ဆင်ဝါ ဒါမှမဟုတ် လူတစ်ဦးဦးထက် ပိုမိုကြီးမားပါတယ်’’ လို့ သူက ပြောပါတယ်။

 

ဟားမတ်စ်ခေါင်းဆောင် အစ္စမေးလ် ဟာနီယာ လုပ်ကြံခံရပြီးတဲ့နောက် ယာယာ ဆင်ဝါ ကို ဟားမတ်စ်ရဲ့ နိုင်ငံရေး စစ်ရေး ခေါင်းဆောင်သစ်အဖြစ် ပြီးခဲ့တဲ့ လပိုင်းကမှ ခန့်အပ်ခဲ့တာ ဖြစ်ပါတယ်။

 

အခုတော့ တစ်နှစ်အတွင်းမှာပဲ အစ္စရေးလက်ချက်နဲ့ ဟားမတ်စ်ခေါင်းဆောင် ၂ ဦးဆက်တိုက် သေဆုံးခဲ့တာပါ။

 

ယာယာ ဆင်ဝါ ဟားမတ်စ်ခေါင်းဆောင်ဖြစ်လာတာ ဘယ်လိုအဓိပ္ပာယ်ဆောင်လဲ

အရှေ့အလယ်ပိုင်း ဒေသကြီးတစ်ခုလုံး စစ်ပွဲ ဖြစ်လာမလား

ဂါဇာနယ်စပ်ကိုထိန်းချုပ်ထားနိုင်ပြီလို့ အစ္စရေးကြေညာ

 အစ္စရေး ဒုံးကျည်ကာကွယ်ရေးစနစ်နဲ့ ဂါဇာကမ်းမြောင်ဒေသကပစ်လွှတ်ခဲ့တဲ့ ဒုံးကျည်တွေကို ကြားဖြတ်ပစ်ချပုံကို အစ္စရေးတာင်ပိုင်း စဒီရော့အနီးက မြင်ရပုံ။

ဂါဇာနဲ့နယ်စပ်ကို ပြန်လည်ထိန်းချုပ်နိုင်ပြီလို့ အစ္စရေးက အင်္ဂါနေ့က ပြောလိုက်ပါတယ်။ နောက်ထပ် ဒီအဖြစ်မျိုး ထပ်မဖြစ်ရအောင် ဂါဇာအတွင်းမှာ အပြောင်းအလဲတွေလုပ်ဖို့ အစ္စရေးစစ်တပ်ဟာ ထိုးစစ်အဆင့်ကို ကူးပြောင်းသွားပြီလို့ အမှတ် ၉၈ လေထီးတပ်က ဗိုလ်ချုပ် ဒန် ဂိုးဖာ့စ် (Dan Goldfuss) က ဆိုပါတယ်။

အစ္စရေးစစ်တပ်ရဲ့ တိုက်ခိုက်မှုက အစပဲရှိသေးတယ်လို့ ဝန်ကြီးချုပ် ဘင်ဂျမင် နေသန်ယာဟု (Benjamin Netanyahu) က တနင်္လာနေ့နှောင်းပိုင်းမှာ ပြောပါတယ်။ လာမယ့်ရက်တွေမှာ ရန်သူအပေါ် ကျနော်တို့တိုက်မှာက သူတို့ မျိုးဆက်နဲ့ချီပြီး ပဲ့တင်ရိုက်သွားပါလိမ့်မယ်” လို့ မစ္စတာနေသန်ယာဟုက ဆိုပါတယ်။

ဂါဇာကမ်းမြောင်ဒေသမှာ လူဦးရေ ၂.၂ သန်း ရှိပြီး အနည်းဆုံး ၂ သိန်းက အိုးအိမ်စွန့်ခွါထွက်ပြေးနေရကြောင်း အသိမ်းပိုက်ခံ ပါလက်စတိုင်းနယ်မြေက ကုလသမဂ္ဂ လူသားချင်းစာနာထောက်ထားမှု ပေါင်းစပ်ညှိနှိုင်းရေးမှူး Lynn Hastings က သတင်းထုတ်ပြန် ပြောပါတယ်။

ဒီအချိန်မှာပဲ အစ္စရေးနဲ့ သွေးစည်းညီညွတ်မှုနဲ့ ထောက်ခံမှုကိုပြသတဲ့အနေနဲ့ အမေရိကန် နိုင်ငံခြားရေးဝန်ကြီး အင်ထောင်နီ ဘလင်ကန်ဟာ လာမယ့်ရက်ပိုင်းမှာ အစ္စရေးကို သွားမယ်လို့ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မက်သယူး မီလ်လာ (Matthew Miller) က ပြောပါတယ်။

ခုလို တိုက်ပွဲတွေမြင့်လာမယ့်အခြေအနေကြားမှာ အရပ်သားတွေပိတ်မိမှာကို ပိုလို့ပိုလို့ စိုးရိမ်နေကြချိန်မှာပဲ ဟားမတ်စ်အဖွဲ့ရဲ့ တိုက်ခိုက်မှုကို လက်တုံ့ပြန်တဲ့အနေနဲ့ အစ္စရေး လေယာဥ်တွေက ဂါဇာကမ်းမြောင်ဒေသကို အင်္ဂါနေ့က ဗုံးကြဲတိုက်ခိုက်ခဲ့ကြပါသေးတယ်။ တညလုံး လေကြောင်းကနေ အကြိမ်ရာချီတိုက်ခိုက်ခဲ့တယ်လို့ အစ္စရေးစစ်တပ်က ပြောပါတယ်။

ဂါဇာကို လေကြောင်းကတိုက်ခိုက်ရာမှာ ဟားမတ်စ် စစ်စခန်းဝင်း၊ လက်နက် ဂိုထောင် နဲ့ ဂါဇာ က ဟားမတ်စ် အမိန့်ပေးဌာနချုပ်တို့ ကို ပစ်မှတ်ထား တိုက်ခဲ့တယ်လို့ အစ္စရေး စစ်တပ် က ဆိုပါတယ်။ ဟားမတ်စ် ရဲ့ စစ်ရုံးတွေ၊ အစိုးရ မဟုတ်တဲ့ အင်န်ဂျီအို အဖွဲ့ရုံးတွေ နဲ့ လူနေအိမ်ခြေတွေ ရှိတဲ့ ဂါဇာစီးတီး က ရီမော်လ် Rimal ရပ်ကွက် ကို အထိများခဲ့ပါတယ်။

စနေနေ့က တိုက်ပွဲနောက်ပိုင်းမှာ ဟားမတ်စ် စစ်သား ၁,၅၀၀ ရဲ့ ရုပ်အလောင်းကို အစ္စရေးနယ်မြေထဲမှာတွေ့ရတယ်လို့ အစ္စရေး စစ်တပ်ပြောရေးဆိုခွင့်ရှိသူ ရစ်ချတ် ဟက်ချ် (Richard Hecht) က ဆိုပါတယ်။ တနင်္လာနေ့ကစပြီး ဘယ်စစ်သွေးကြွမှ အစ္စရေးနယ်မြေထဲ ဝင်မလာဘူးလို့လည်း သူက ပြောပါတယ်။ စနေနေ့တုန်းက ဂါဇာကနေ ရော့ကက် ၄,၅၀၀ ကို ဟားမတ်စ်က ပစ်ခဲ့တယ်လို့လည်း အစ္စရေးစစ်တပ်က ဆိုပါတယ်။

ဂါဇာမှာ နောက်ဆက်တွဲပြဿနာတွေ ကြီးထွားလာနိုင်တယ်လို့ ကုလသတိပေး - အောက်တိုဘာ ၁၀ ရက် ညနေခင်း နိုင်ငံတကာသတင်းများ

 

၁၀ အောက်တိုဘာ ၂၀၂၃

ဂါဇာမှာ အစ္စရေးက အလုံးစုံ ထိန်းချုပ်ဖို့ လုပ်နေတဲ့ နောက်မှာ ဆိုးရွားတဲ့ အကျိုးဆက်တွေ ဖြစ်လာလိမ့်မယ်လို့ ကုလလက်အောက်ခံ အဖွဲ့တွေက သတိပေးထားပါတယ်။

ဂါဇာမှာ ရောက်နေတဲ့ ယူကေက ဆရာဝန် ဒေါက်တာ အဗ္ပဒူ ကွာဒီယာ ဟာမက်ကတော့ တိုက်ခိုက်မှု ဖြစ်ပွားခဲ့တဲ့ညက အလွန် ခက်ခဲတဲ့ည တစ်ညပါ၊ ဗုံးတွေကြဲ ၊ လေကြောင်းတိုက်ခိုက်မှုတွေလုပ် ၊ ပေါက်ကွဲမှုတွေ ဆက်တိုက်ဖြစ်နေတာ၊ တိုက်တခုလုံး တုန်နေတာပဲ ၊ တကယ့်ကို ဆိုးရွားတဲ့ညပါလို့ ပြောပါတယ်။

ပြီးခဲ့တဲ့ စနေနေ့က ဟားမတ်စ် အဖွဲ့က အစ္စရေးတောင်ပိုင်းမှာ တိုက်ခိုက်မှုအတွင်း အစ္စရေး ဘက်က လူ ၉၀၀ လောက် သေဆုံးခဲ့ရပြီး ဒါကို လက်တုံ့ပြန်တဲ့ အနေနဲ့ အစ္စရေးတို့က ဂါဇာတစ်ခုလုံး ထိန်းချုပ်ဖို့ ကြိုးစားနေတာ ဖြစ်ပါတယ်။

ရိက္ခာနဲ့ သောက်သုံးရေ ဂါဇာကို ပို့ဆောင်မှုတွေကို အစ္စရေးက ဖြတ်တောက်ထားတဲ့အပေါ် စိုးရိမ်ကြောင်း ကုလ ကလေးများ အေဂျင်စီက ပြောပါတယ်။

တစ်ချိန်တည်းမှာ ကုလအတွင်းရေးမှူးချုပ်ကလည်း အစ္စရေးတို့ ဂါဇာကို ထိန်းချုပ်ထားတာဟာ တရားမဝင်ဘူး၊ နိုင်ငံတကာ ဥပဒေတွေနဲ့ ကိုက်ညီမှု မရှိဘူးလို့ ဆိုပါတယ်။

ကမ္ဘာ့ကျန်းမာရေး အဖွဲ့ WHO ကလည်း ဂါဇာထဲကို လူမှုကယ်ဆယ်ရေး အကူအညီတွေ ဝင်ပေးခွင့်ရဖို့ လမ်းဖွင့်ပေးပါလို့ တောင်းဆိုထားပါတယ်။

ပါလက်စတိုင်း လက်နက်ကိုင်အဖွဲ့ ဟားမတ်စ် အနေနဲ့ သူတို့ ဖမ်းဆီး ခေါ်ဆောင်သွားတဲ့ ဓားစာခံတွေကို ပြန်လွှတ်ပေးဖို့ ကုလအေဂျင်စီတွေက ပန်ကြားလိုက်ပြီး ဓားစာခံဖမ်းသွားတဲ့ လုပ်ရပ်ကို ရှုတ်ချခဲ့ကြပါတယ်။

Skip podcast promotion and continue reading

နောက်ဆုံးရ သတင်းနဲ့ မျက်မှောက်ရေးရာအစီအစဉ်များ

ပေါ့ဒ်ကတ်စ်အစီအစဉ်များ

End of podcast promotion

တစ်ချိန်တည်းမှာ ဓားစားခံ အဖြစ် ဖမ်းသွားတဲ့ စစ်သား အယောက် ၅၀ ရဲ့ မိသားစုတွေကို ဆက်သွယ်ခဲ့တယ်လို့ အစ္စရေး စစ်တပ်က ပြောပါတယ်။

ပြီးခဲ့တဲ့ စနေနေ့က အစ္စရေးတို့ ဟားမတ်စ်အဖွဲ့ တိုက်ခိုက်ခံရမှုအတွင်း အစ္စရေး စစ်သား အနည်းဆုံး ၁၂၃ ယောက်သေဆုံးတယ်လို့ တာဝန်ရှိသူတွေက ဆိုပါတယ်။

အခုဆိုရင် နှစ်ဖက် ထိခိုက်သေဆုံးသူပေါင်း ၃,၀၀၀ ကျော်လာပြီ ဖြစ်ပါတယ်။

ဒါ့အပြင် ဂါဇာနဲ့ နယ်စပ်တစ်လျှောက် စစ်ဆင်ရေးအတွင်း ဟားမတ်စ် စစ်သွေးကြွ အလောင်း ၁,၅၀၀ လောက် တွေ့ရှိခဲ့တယ်လို့လည်း အစ္စရေး စစ်တပ်က ထုတ်ပြန်ပါတယ်။

နောက်သတင်းတစ်ပုဒ်မှာတော့ အစ္စရေးကို ဟားမတ်စ်အဖွဲ့က တိုက်ခိုက်မှုမှာ အီရန် ပါဝင်ပတ်သက်နေတယ်ဆိုတဲ့ စွပ်စွဲချက်ကို အီရန် ခေါင်းဆောင် အရာတိုလာ ခါမေနီက ငြင်းဆို လိုက်ပါတယ်။

ပြီးခဲ့တဲ့ စနေ၊တနင်္ဂနွေက ဒီတိုက်ခိုက်မှု ဖြစ်ပွားပြီးနောက်ပိုင်း ပထမဆုံး လူထုကို ပြောတဲ့မိန့်ခွန်းမှာ သူကထည့်သွင်းပြောသွားခဲ့တာပါ။

ဒါပေမယ့် သူဟာ ပါလက်စတိုင်း ခေါင်းစည်းပုဝါ ပေါင်းထားပြီး ဒီတိုက်ခိုက်မှုနဲ့ပတ်သက်လို့ အစ္စရေးဟာ စစ်ရေးမှာရော ထောက်လှမ်းရေးမှာပါ နှစ်ခုစလုံး အစားထိုးလို့ မရတဲ့လစ်ဟာမှု ခံလိုက်ရတာပဲလို့ သူက ဆိုပါတယ်။

တစ်ချိန်တည်းမှာ ဆော်ဒီ အိမ်ရှေ့စံမင်းသား မိုဟာမက် ဘင် ဆယ်လ်မန်ကလည်း ပါလက်စတိုင်းသမ္မတ မာမွတ်အာဘတ်စ်နဲ့ ဖုန်းပြောစဉ်အတွင်း ပါလက်စတိုင်းပြည်သူတွေကို ကူညီထောက်ပံ့သွားမယ်လို့ ထပ်တလဲလဲ ပြောသွားခဲ့ပါတယ်။

ဒါ့အပြင် ဒီပဋိပက္ခ ဆက်ကြီးထွားမသွားအောင် နိုင်ငံတကာနဲ့ ဒေသတွင်း အဖွဲ့အစည်းတွေနဲ့ ဆွေးနွေးနေတယ်လို့လည်း သူက ဆိုပါတယ်။

အစ္စရေးကို ဟားမတ်စ်တိုက်ခိုက်မှုမှာ ထိုင်း ၁ ဦးသေဆုံး၊ ၁၁ ဦးဖမ်းဆီးခံထားရ

အစ္စရေးကို ပါလက်စတိုင်း စစ်အုပ်စု ဟားမတ်စ်အဖွဲ့က မနေ့တုန်းက တိုက်ခိုက်မှုဖြစ်ချိန် ထိုင်းနိုင်ငံသား ၁ ဦးသေဆုံး၊ ၈ ဦးဒဏ်ရာရပြီး ၁၁ ဦး ဖမ်းဆီးခံထားရတယ်လို့ ထိုင်းအာဏာပိုင်တွေက ဒီနေ့ မနက်ပိုင်းမှာပဲ သတင်းထုတ်ပြန်လာပါတယ်။

ဒီအတောအတွင်းမှာပဲ အစ္စရေး နိုင်ငံထဲက ထိုင်းနိုင်ငံသားတွေကို ကယ်ထုတ်လို့ရအောင် ထိုင်းဝန်ကြီးချုပ်က ထိုင်းတော်ဝင်လေတပ်ကို အသင့်ပြင်ထားခိုင်းလိုက်ပြီလို့လည်း ထိုင်းနိုင်ငံခြားရေးဝန်ကြီးက ဒီနေ့ မနက် သတင်းစာရှင်းလင်းပွဲမှာ ပြောပါတယ်။

ထိုင်းနိုင်ငံသားတွေကို ကယ်ဆယ်ရေး အစွမ်းကုန်ကြိုးပမ်းမယ်လို့လည်း ဆိုပါတယ်။

ထိုင်းအစိုးရကတော့ ဘယ်လို အကြမ်းဖက်မှုကိုမဆို ရှုတ်ချကြောင်းပြောထားပြီး အကြမ်းဖက်မှုလျှော့ချဖို့၊ အပြစ်မဲ့အရပ်သားတွေကို လွှတ်ပေးဖို့ တောင်းဆိုထားပါတယ်။

လက်ရှိမှာ အစ္စရေးမှာ သွားရောက်အလုပ်လုပ်ကိုင်နေတဲ့ ထိုင်းလုပ်သား နှစ်သောင်းခွဲနီးပါးရှိပြီး အဲဒီထဲမှာ ငါးထောင်နီးပါးဟာ အခုနောက်ဆုံးတိုက်ခိုက်မှုဖြစ်ပွားရာ ဂါဇာကမ်းမြောင်အနီးမှာ လုပ်ကိုင်နေသူတွေဖြစ်တယ်လို့ ဘီဘီစီထိုင်းဘာသာစကားဌာနက သတင်းဖော်ပြပါတယ်။

ပါလက်စတိုင်း သေနတ်သမား ရာချီသေဆုံးပြီး ဒါဇင်ချီဖမ်းဆီးခံထားရ

 

ဂါဇာမှာ မထင်မှတ်ထားတဲ့ တိုက်ခိုက်မှုအတွင်း ပါလက်စတိုင်း စစ်သွေးကြွတွေဟာ အစ္စရေးကို စိမ့်ဝင် ထိုးဖောက်ခဲ့ပြီး အစ္စရေးက နေရာအချို့ကို ထိန်းချုပ်ဖို့ ကြိုးစားခဲ့ကြပါတယ်။

အခုတော့ အဲဒီထဲက ရာနဲ့ချီတဲ့ ပါလက်စတိုင်းသေနတ်သမားတွေ သေဆုံးပြီလို့ အစ္စရေး စစ်တပ်ကို ကိုးကားပြီး ရိုက်တာသတင်းဌာနက သတင်းဖော်ပြပါတယ်။

ဒါ့အပြင် ဒါဇင်နဲ့ချီတဲ့သေနတ်သမားတွေကိုလည်း အကျဥ်းသားအဖြစ် ဖမ်းထားတယ်လို့ အစ္စရေးစစ်တပ်က ပြောပါတယ်။

အစ္စရေးဟာ အစောပိုင်းတုန်းတော့ နေရာ ၈ ခုမှာ ပါလက်စတိုင်း ဟားမတ်စ် စိမ့်ဝင်မှုကို ဖြေရှင်းနေတယ်လို့ ပြောထားပါတယ်။

ဒီအတောအတွင်းမှာပဲ ဂါဇာ ကမ်းမြောင်နဲ့ အစ္စရေးတောင်ပိုင်းမှာ သေဆုံးတဲ့ ပါလက်စတိုင်းစစ်သွေးကြွ အယောက် ၄၀၀ ကျော်တယ်လို့ အစ္စရေးကာကွယ်ရေးတပ် IDF ပြောခွင့်ရ ဒန်နီယယ် ဟာဂါရီရဲ့ ပြောဆိုချက်ကို ကိုးကားပြီး Times of Israel သတင်းဌာနက သတင်းဖော်ပြပါတယ်။

ဟားမတ်စ်အဖွဲ့ တိုက်ခိုက်မှုခံရပြီးနောက် နယ်မြေထိန်းချုပ်နိုင်ရေး အစ္စရေးကြိုးပမ်းနေ

 

အစ္စရေးဟာ ပါလက်စတိုင်း အစ္စလာမ်မစ် စစ်အုပ်စု ဟားမတ်စ်အဖွဲ့ရဲ့ ရုတ်တရက်တိုက်ခိုက်မှုခံရပြီး နောက်တစ်ရက်ဖြစ်တဲ့ ဒီနေ့ အောက်တိုဘာလ ၈ ရက်မှာတော့ နယ်မြေထိန်းချုပ်နိုင်ရေးကို ဦးတည် လုပ်နေပါတယ်။

Skip podcast promotion and continue reading

End of podcast promotion

စနေနေ့မနက်တုန်းက ဖြစ်ပွားခဲ့တဲ့ ရုတ်တရက်တိုက်ခိုက်ခံရမှုအပြီးမှာ ပါလက်စတိုင်းစစ်အုပ်စု ဟားမက်စ် အဖွဲ့ ထိုးဖောက်ဝင်ရောက်လာတဲ့နေရာ ၈ နေရာအရေးကို ကိုင်တွယ်နေပြီလို့ အစ္စရေးဘက်က ပြောပါတယ်။

ဟားမက်စ်အဖွဲ့ ကျူးကျော်တဲ့ တောင်ပိုင်းက တည်နေရာ ၂၂ ခုကို ပြန်လည် ထိန်းချုပ်နိုင်ပြီလို့ အစ္စရေး စစ်တပ်ပြောခွင့်ရက ဒီနေ့ မနက်ပိုင်းမှာ ပြောပါတယ်။

ဂါဇာ ကမ်းမြောင်နဲ့ အနီးနား ပတ်ဝန်းကျင်အရပ်မှာ နေထိုင်သူတွေကို အစ္စရေး အာဏာပိုင်တွေက တဖြည်းဖြည်း ရွှေ့ပြောင်းပေးနေတယ်လို့ လည်း ပြောခွင့်ရက ပြောပါတယ်။

အစ္စရေးဟာ လက်ဘနွန်ဘက်က လာတဲ့ တိုက်ခိုက်မှုတွေကိုလည်း တုံ့ပြန်ဖို့ အသင့်ရှိနေပြီး ဘယ်လိုတုံ့ပြန်မှုတွေလုပ်မယ်ဆိုတာကိုတော့ ထုတ်ပြောသွားတာမရှိပါဘူး။

အစ္စရေးဟာ ‘‘စစ်ပွဲဖြစ်နေပါတယ်။ ... အစ္စရေးနယ်မြေတွေနဲ့ အသိုက်အဝန်းတွေကို ဟားမက်စ်အဖွဲ့ဆီကနေ အပြည့်အဝ ပြန်လည်ရယူထိန်းချုပ်နိုင်ဖို့ အားထုတ်နေပါတယ်’’ လို့ သူက ပြောပါတယ်။

ပါလက်စတိုင်း အစ္စလာမ်မစ် စစ်အုပ်စု ဟားမတ်စ်အဖွဲ့က ရုတ်တရက် တိုက်ခိုက်မှုပြုလုပ်ခဲ့ပြီးတဲ့နောက်မှာ အစ္စရေးဘက်ကလည်း ဂါဇာကမ်းမြောင်ကို လေကြောင်းတိုက်ခိုက်မှုတွေ ပြန်လုပ်နေပါတယ်။

ဂါဇာမှာနေထိုင်သူ လူပေါင်း ၂၃၀ ကျော် သေဆုံးထားပြီး ဒဏ်ရာရသူ နောက်ထပ် အယောက် ၁,၀၀၀ ကျော်ရှိတယ်လို့ အဲဒီက အရာရှိတွေရဲ့ပြောကြားချက်အရ သိရပါတယ်။

ဂါဇာကမ်းမြောင်ထဲက နေရာ ၇ ခုမှာနေထိုင်သူတွေကိုတော့ နေအိမ်တွေကို စွန့်ခွာပြီး မြို့လယ်မှာဖွင့်ထားတဲ့ ဒုက္ခသည်ခိုလှုံရေးစခန်းတွေကို သွားရောက်ကြဖို့ အစ္စရေး စစ်တပ်က တိုက်တွန်းနေပါတယ်။

အစ္စရေး ပါလက်စတိုင်း တိုက်ခိုက်မှုတွေ အတွင်းမှာ နှစ်ဖက် သေဆုံးသူ ၉၇၀ နီးပါးရှိလာ

 

၈ အောက်တိုဘာ ၂၀၂၃, ၀၆:၃၅ GMT

အသစ်တင်ချိန် လွန်ခဲ့သော ၃ နာရီ က

အစ္စရေး ပါလက်စတိုင်း တိုက်ခိုက်မှုတွေ အတွင်းမှာ နှစ်ဖက်သေဆုံးသူ ၉၇၀ နီးပါးရှိလာပြီ လို့ နှစ်ဖက်ထုတ်ပြန်ချက်တွေအရ သိရပါတယ်။

ပါလက်စတိုင်း အစ္စလာမ်မစ် စစ်အုပ်စု ဟားမတ်စ်အဖွဲ့ရဲ့ ရုတ်တရက်တိုက်ခိုက်မှုခံရတဲ့ စနေနေ့က စပြီး တိုက်ခိုက်မှုကြောင့် သေဆုံးသူ ၆၀၀ ကျော်ရှိလာပြီ ဖြစ်တယ်လို့ အစ္စရေးအစိုးရရဲ့ ဖေ့စ်ဘွတ်ခ် လူမှုကွန်ရက်မှာ ထုတ်ပြန်ထားပါတယ်။

လူပေါင်း ၁၀၀ ကျော် ပြန်ပေးဆွဲခံရပြီး ၂၀၀၀ ကျော် ဒဏ်ရာရရှိခဲ့တယ်လို့ ထုတ်ပြန်ချက်ကဆိုပါတယ်။

ပါလက်စတိုင်းဘက်က တော့ ဂါဇာမှာ အစ္စရေးဘက်က လေကြောင်းတိုက်ခိုက်မှုကြောင့် အနည်းဆုံး လူ ၃၁၃ ဦး သေဆုံးခဲ့တယ် ပါလက်စတိုင်း တာဝန်ရှိသူတွေ အစောပိုင်းက ပြောကြားခဲ့ပါတယ်။

ဒီကနေ့ နောက်ဆုံး ထပ်မံရရှိတဲ့ သတင်းအရ ပြီးခဲ့တဲ့ စနေနေ့က စတင်ခဲ့တဲ့ အစ္စရေးတို့ဘက်က လေကြောင်းတိုက်ခိုက်မှုကြောင့် ပါလက်စတိုင်းဘက်မှာ သေဆုံးသူ ၃၇၀ ခန့်ထိရှိလာနေတယ်လို့ ပါလက်စတိုင်း တာဝန်ရှိသူတွေ ဘက်က ပြောပါတယ်။

ဒီတိုက်ခိုက်မှု အတွင်း ပါလက်စတိုင်းဘက်က လူပေါင်း ၂၂၀၀ ကျော် ဒဏ်ရာရရှိခဲ့တယ်လို့ ဆိုပါတယ်။

အစ္စရေးအာဏာပိုင်တွေဟာ တဲလ်အဗစ်မြို့ရဲ့ အဓိက အဝေးပြေးလမ်းမကြီးကို ဇူလိုင် ၂၅ ရက် အစောပိုင်းမှာ ပိတ်ဆို့လိုက်ပါတယ်။

 

အစ္စရေးအာဏာပိုင်တွေဟာ တဲလ်အဗစ်မြို့ရဲ့ အဓိက အဝေးပြေးလမ်းမကြီးကို ဇူလိုင် ၂၅ ရက် အစောပိုင်းမှာ ပိတ်ဆို့လိုက်ပါတယ်။

ရဲတပ်ဖွဲ့က ဆန္ဒပြလူအုပ်ကို ပြန်တွန်းလှန်ဖို့ မီးသတ်ပိုက်တွေ ရေအမြောက်တွေကို သုံးခဲ့ပြီး လူအများအပြားကို ရဲတွေက ဆွဲထုတ်ခဲ့ပါတယ်။

အစ္စရေးဝန်ကြီးချုပ် ဘင်ဂျမင် နေတန်ယာဟုက တောင်းဆိုတဲ့ ပထမဆုံး တရားစီရင်ရေး ဥပဒေကြမ်းကို ဥပဒေပြုအမတ်တွေက အတည်ပြုပြီးနောက် ဇူလိုင် ၂၄ ရက်မှာ ဒေါသတကြီး အုံကြွဆန္ဒပြမှုတွေ ဖြစ်ပွားခဲ့ပါတယ်။

လပေါင်းများစွာ တိုင်းပြည်ကို နှောင့်ယှက်နေတဲ့ ဖွဲ့စည်းပုံအခြေခံဥပဒေဆိုင်ရာ အကျပ်အတည်းကို ဖြေလျှော့ဖို့ ပျက်ကွက်ခဲ့တဲ့ နောက်ဆုံးအပေးအယူ အလျှော့အတင်း ကြိုးပမ်းမှုတွေ အစောပိုင်းက ပြိုကျခဲ့တာပါ။

ဖွဲ့စည်းပုံပြင်ဆင်ရေးကို ဆန့်ကျင်တဲ့ ဆန္ဒပြပွဲတွေဟာ နေ့အစောပိုင်းမှာ စတင်ခဲ့ပြီး ရဲတပ်ဖွဲ့က သံကြိုးဆွဲရင်း လွှတ်တော်အပြင်ဘက်က လမ်းတွေကို ပိတ်ဆို့ခဲ့ပါတယ်။

ညနေပိုင်းမှာ လူထောင်ပေါင်းများစွာဟာ နိုင်ငံတဝန်းက လမ်းတွေပေါ်ကို ထွက်လာခဲ့ကြပြီး အဝေးပြေးလမ်းတွေကို ပိတ်ဆို့ရင်း ရဲတွေနဲ့ ရုန်းရင်းဆန်ခတ် ဖြစ်ခဲ့ကြပါတယ်။

တနင်္လာနေ့မှာ လူ ၂၂ ဦးထက် မနည်းကို ဖမ်းဆီးခဲ့တယ်လို့ အစ္စရေးရဲတပ်ဖွဲ့က ပြောခဲ့ပါတယ်။