အရှေ့အလယ်ပိုင်း ငြိမ်းချမ်းရေး ဗာတီကန်ဆုတောင်းပွဲ

အရှေ့အလယ်ပိုင်းဒေသ ငြိမ်းချမ်းရေးရရှိဖို့အတွက် Vatican မြို့တော်မှာ တနင်္ဂနွေနေ့က ပုပ်ရဟန်းမင်းကြီး Francis ဦးဆောင် ကျင်းပတဲ့ ၀တ်ပြုဆုတောင်း တွေ့ဆုံပွဲကို အစ္စရေးသမ္မတ Shimon Peres နဲ့ ပါလက်စတိုင်းသမ္မတ Mahmoud Abbas တို့ တက်ရောက်ခဲ့ကြပါတယ်။ အခုလို အလားတူ ၀တ်ပြုဆုတောင်း - တွေ့ဆုံပွဲမျိုး အရင်က မကျင်းပဖူးခဲ့ပါဘူး။

ဒီဝတ်ပြုဆုတောင်းပွဲကို ရှေးရိုးခရစ်ယာန်အသင်းတော် ဂိုဏ်းချုပ်ကြီး၊ ခရစ်ယာန် ဂိုဏ်းချုပ်တွေနဲ့ ဂျူးနဲ့ အစ္စလာမ်ဘာသာတွေက ဘာသာရေးခေါင်းဆောင်တွေနဲ့ ၀တ်ပြုဆုတောင်းသူတွေ တက်ရောက်ခဲ့ကြပါတယ်။ ၂ နာရီကြာတဲ့ ဒီ တွေ့ဆုံပွဲအတွင်း ခရစ်ယာန် သမ္မာကျမ်းစာအုပ်သစ်နဲ့ အဟောင်းတွေတို့အပြင် ကိုရမ် ကျမ်းစာအုပ်တွေထဲက ဘုရားစာတွေကို Hebrew လို့၊ Arabic လို၊ အင်္ဂလိပ်လိုနဲ့ အီတလီလို စတဲ့ ဘာသာစကား လေးမျိုးတို့နဲ့ ရွတ်ဖတ်ခဲ့ကြတာ ဖြစ်ပါတယ်။

ငြိမ်းချမ်းရေး တည်ဆောက်တာဟာ စစ်ခင်းပြီး တိုက်ခိုက်နေကြတာထက်ပိုတဲ့ သတ္တိရှိဖို့ လိုအပ်ကြောင်း ပုပ်ရဟန်းမင်းကြီး Francis က မစ္စတာ Abbas နဲ့ မစ္စတာ Peres တို့ကို ၀တ်ပြုပွဲအပြီးမှာ ပြောကြားခဲ့ပါတယ်။ ဒီနေရာမှာ သူပြောတဲ့ သတ္တိဆိုတာဟာ ငြိမ်းချမ်းရေးကို လက်ခံပြီး စစ်ပွဲတွေ၊ ပဋိပက္ခကို စွန့်ပယ်လိုစိတ်ရှိတဲ့ သတ္တိမျိုးကို ဆိုလိုကြောင်း ပုတ်ရဟန်းမင်းကြီးက ပြောပါတယ်။

နောက်ဆုံးပြုလုပ်ခဲ့တဲ့ အရှေ့အလယ်ပိုင်းငြိမ်းချမ်းရေး ဆွေးနွေးပွဲတွေ ပျက်ပြားပြီး သီတင်း ၂ ပတ်လောက်အကြာမှာ သူနဲ့အတူလာပြီး ၀တ်ပြု ဆုတောင်းကြဖို့ အစ္စရေးနဲ့ ပါလက်စတိုင်းသမ္မတတွေကို ပုပ်ရဟန်းမင်းကြီးက ပြီးခဲ့တဲ့လအတွင်းမှာ ရုတ်တရက် ဖိတ်ကြားလိုက်တာ ဖြစ်ပါတယ်။