ပြန်လည်လွတ်မြောက်လာတဲ့ အကျဉ်းသား မိသားစုတွေရဲ့ နွေးထွေး ပျော်ရွှင်မှု
ယီမင်နိုင်ငံမှာ ဟူသီသူပုန်တွေနဲ့ အကျဉ်းသား လဲလှယ်မှု စတင်နေပါပြီ။ဟူသီသူပုန်တွေကြား ငြိမ်းချမ်းရေး သဘောတူချက် ရဖို့ ဆော်ဒီအစိုးရ ကျောထောက်နောက်ခံပေးထားတဲ့ ယီမင်အစိုးရက မျှော်လင့်နေပါတယ်။ဟူသီ အကျဉ်းသား တရာကျော်က ယီမင်မြို့တော် ဆန်နာ့ကို လေယာဉ်နဲ့ ထွက်ခွာလာပြီး တချိန်တည်းမှာ ဟူသီလက်ထဲက အကျဉ်းသား ၃၅ ယောက်ကလည်း အစိုးရထိန်းချုပ်ရာ အေဒင်မြို့ကို ခရီးထွက်လာပါပြီ။အပြည်ပြည်ဆိုင်ရာကြက်ခြေနီ အဖွဲ့ကတော့ အကျဉ်းသား ၉၀၀ ဟာ ရာမာဒန် ကာလအတွင်း သူတို့မိသားစုနဲ့ ပြန်လည် ဆုံဆည်းနိုင်တော့မယ်လို့ ပြောပါတယ်။ဒီအချိန်မျိုးကို ကျွန်တော်တို့ စောင့်ဆိုင်းနေတာ ကြာပါပြီ ။ မကြာခင် မိနစ်ပိုင်းအတွင်း အေဒင်က ပထမဆုံးလေယာဉ်နဲ့ ရောက်လာမယ့် ကျွန်တော်တို့ရဲ့ ကလေးတွေကို ဘုရားသခင် ကျေးဇူးကြောင့် ကျွန်တော်တို့ တွေ့ရတော့မှာပါ ၊ ကျွန်တော့်သားက ၂၀၁၈ ကတည်းက ထောင်ကျနေတာလေ။ အခုဆို ၅ နှစ်ရှိပြီ သူ့ကို သတိရလွန်းလို့ တွေ့ချင်လှပါပြီ"လို့ အဗ္ပဒူလာ အယ်လ် ဟာဂျိုရီက ပြောသွားတာပါ။ဆော်ဒီကိုယ်စားလှယ်အဖွဲ့တဖွဲ့ကတော့ ဟူသီသူပုန်တွေနဲ့ ဆွေးနွေးပြီးနောက် ဆန်နာ့မြို့က ထွက်ခွာလာပြီ ဖြစ်ပါတယ်။ရှစ်နှစ်ကြာ ပြည်တွင်းစစ်ပွဲကို အဆုံးသတ်သွားစေနိုင်မယ့် သဘောတူညီချက်တရပ်ရဖို့ နောက်ထပ် ဆွေးနွေးမှုတွေ ထပ်လုပ်ဖို့ လိုနေသေးတယ်လို့ အဲဒီကိုယ်စားလှယ်အဖွဲ့က ပြောပါတယ်။
No comments:
Post a Comment